རྒྱབ་ཁུངས།
ལས་རིམ་སྡེ་ཚན་གིས་ འབྲུག་རྒྱལ་ཁབ་མཐའ་དབུས་ག་ར་ནང་རྫོང་ཁའི་ དར་ཁྱབ་དང་ འཛིན་སྐྱོང་ རྒྱུན་སྐྱོང་གསུམ་འབད་དགོ་པའི་འགན་ཁུར་ཡོད། དེ་འབདཝ་ལས་ ཡིག་ཚང་གི་ངོ་ཚབ་གཙོ་བོ་སྦེ་འབད་དེ་ ལས་སྡེ་གཞན་ནང་ རྫོང་ཁའི་སྐོར་ལས་མཉམ་འབྲེལ་དང་ རྒྱུན་སྐྱོང་འབད་ནི་ཁག་ཆེ། ལཱ་འགན་འདི་དོན་སྨིན་སྦེ་གྲུབ་ཐབས་ལུ་ ལཱ་འགན་འབག་དགོཔ་ཚུ་ཡང་ མི་སྡེ་མཐུན་ལམ། སྐད་ཡིག་ལག་ལེན་དབྱེ་ཞིབ་དང་ཞིབ་དཔྱད། ངོ་ཚབ་འགོ་དཔོན་གྱི་མཉམ་འབྲེལ། སྦྱོང་བརྡར། རྒྱབ་སྐྱོར་གྱི་ཞབ་ཏོག གྲོས་འཛོམས། གྲོས་ཚོགས། རྫོང་ཁའི་ལས་རིམ་སྣ་ཚོགས།
ལཱ་འགན།
གཙོ་འཛིན་འདི་གིས་ དྲག་ཤོས་དྲུང་ཆེན་ལུ་གྲོགས་རམ་ཕུལ་ཐོག་ལས་ འབྲུག་ནང་འཁོད་ལུ་ རྫོང་ཁའི་ལས་རིམ་སྣ་ཚོགས། གོ་བ་བརྡ་སྤྲོད། དར་ཁྱབ། འཛིན་སྐྱོང། རྒྱུན་སྐྱོང་གི་ཕྱག་འགན་འབག་དགོ། གཙོ་འཛིན་འབད་བ་ལས་བརྟེན་ ཡིག་ཚང་གི་ཁྱད་རིག་དང་ འཛིན་སྐྱོང་ལས་སྣ་ཚུ་ནང་བཅའ་མར་གཏོགས་དགོ།
- རྫོང་ཁ་དར་ཁྱབ་ཀྱི་སྲིད་བྱུས་དང་ ལས་འཆར་ ལས་རིམ་ཚུ་རྩམ་ནི་དང་ ལག་ལེན་འཐབ་ནི།
- རྫོང་ཁ་འདི་རྒྱལ་ཡོངས་སྐད་ཡིག་སྦེ་ཁག་ཆེ་བའི་སྐོར་ལས་ བརྡ་རྒྱུད་དང་ ས་གནས་ལས་ཕར་བལྟ་སྐོར་ དེ་ལས་ གོ་བསྡུར་དང་གསུང་བཤད་སྐབས་གོ་བ་བརྡ་སྤྲོད་བྱིན་དགོ།
- ལྷན་རྒྱས་གཞུང་ཚོགས་ཐེངས་༡༠༠ པ་ལས་གནང་བ་གནང་བའི་རྫོང་ཁའི་སྲིད་བྱུས་གཞི་བཀོད་ལྟར་ ཞི་གཡོག་དང་དམག་སྡེ་ནང་ སྦྱོང་བརྡར་སྣ་ཚོགས་འགོ་འདྲེན་འཐབ་ནི།
- རྫོང་ཁའི་ངོ་ཚབ་འགོ་དཔོན་ཚུ་དང་གཅིག་ཁར་ རྫོང་ཁ་དར་ཁྱབ་ཀྱི་ལས་སྣ་ཚུ་ མཉམ་འབྲེལ་དང་འཛིན་སྐྱོང།
- འབྲེལ་ཡོད་ལས་སྡེ་ཚུ་དང་གཅིག་ཁར་ སྐད་ཡིག་དང་འབྲེལ་བའི་ཁྱད་རིག་དང་གྲོས་བསྡུར་ལས་རིམ་ཚུ་ ཞལ་འཛོམས་དང་ གྲོས་བསྡུར་ གྲོས་ཚོགས་ཀྱི་གོ་ལས་ འགོ་འདྲེན་འཐབ་ནི་དང་ མཉམ་འབྲེལ་འབད་ནི།
- ལས་འགུལ་གྱི་གྲོས་འཆར་འབྲི་ནི་དང་ མ་དངུལ་འཚོལ་ནི་ ལྟ་ཏོག་ དབྱེ་ཞིབ་ཀྱི་ལཱ་རིགས་འབད་ནི།
- རྫོང་ཁའི་ཤེས་ཡོན་དང་འབྲེལ་བའི་ དེབ་ཆུང་ མཐོང་ཐོས་ སྤྲོས་བརྙན་ གླུ་བརྙན་ སྒྱུར་ཚིག་ཚུ་མཉམ་འབྲེལ་འབད་དེ་བཟོ་ནི་དང་ རྒྱང་མཐོང་ཐོག་ལས་གཏང་ནི།
- རྫོང་ཁའི་རྩོམ་རིག་གི་ལཱ་རིགས་ དཔྱེ་འབདན་ གསུང་བཤད་ རིག་བསྡུར་ འབྲི་རྩོམ་ ཡིག་སྡེབ་འགྲན་བསྡུར་ཚུ་འགོ་འདྲེན་དང་དར་ཁྱབ་གཏང་ནི།
- འབྲུག་ནང་འཁོད་དང་ཕྱི་རྒྱལ་གྱི་ སྐད་ཡིག་དང་ཤེས་རིག་ལས་སྡེ་ཚུ་དང་ འབྲེལ་མཐུད་འབད་དེ་ མཉམ་འབྲེལ་དང་ གྲོགས་རམ་ ཤེས་ཡོན་རྒྱ་སྐྱེད་ཀྱི་ལཱ་ནང་མཐུན་ལམ་བཟོ་ནི།
- རྒྱལ་ཁབ་ནང་རྫོང་ཁའི་གནས་སྡུད་བཞག་ནི་དང་ རྫོང་ཁའི་ལག་ལེན་གྱི་ལྟ་རྟོག་དང་ཞིབ་འཚོལ་འགོ་འདྲེན་འཐབ་ནི་ ཞིབ་འཚོལ་འབད་ནི་ དེ་ལས་གྲུབ་འབྲས་ཚུ་པར་སྐྲུན་འབད་ནི།
- ལྷན་ཁག་ ལས་སྡེ་ རྫོང་ཁག་ ཁྲོམ་སྡེ་ ས་གནས་གཞུང་ཚུ་གིས་ རྫོང་ཁའི་སྲིད་བྱུས་ལག་ལེན་འབད་མ་འབད་ལྟ་རྟོག་འབད་ནི།
- རྫོང་གོང་ལྷན་ཚོགས་ཀྱི་སྐུ་ཚབ་སྦེ་ ལས་སྡེ་གཞན་དང་གཅིག་ཁར་ རྫོང་ཁའི་འཆར་གཞི་ སྲིད་བྱུས་ འཆར་དངུལ་སྐོར་ལས་མཉམ་འབྲེལ་འབད་ནི།
