རིམ་ལུགས་འདི་ནང་ གཙོ་བོ་ རྫོང་ཁ་གོང་འཕེལ་ལྷན་ཚོགས་ཀྱི་ རྫོང་ཁའི་ཚིག་མཛོད་དང་སྐད་གཉིས་ཤན་སྦྱར་གྱི་ཚིག་མཛོད་ ༼རྫོང་ཁ་ལས་ཨིང་སྐད་དང་ ཨིང་སྐད་ལས་རྫོང་ཁ་༽ ཚུ་བཙུགས་ཏེ་ཡོདཔ་ཨིན། ཚིག་མཛོད་གསུམ་བཙུགས་ཡོད་པའི་འགྲུལ་འཕྲིན་རིམ་ལུགས་འདི་གིས་རྫོང་ཁ་གོང་འཕེལ་ལྷན་ཚོགས་ཀྱི་ཚིག་མཛོད་ཚུ་འཇམ་ཏོང་ཏོ་སྦེ་ལག་ལེན་འཐབ་ཚུགསཔ་བཟོ་སྟེ་ འབྲུག་མི་ཚུ་གིས་ རྫོང་ཁ་འདི་བརྡ་དོན་སྤྲོད་ལེན་གྱི་དོན་ལུ་ ཁ་སྐད་ངོ་མ་ཅིག་སྦེ་ལག་ལེན་འཐབ་ནི་ལུ་ སེམས་ཤུགས་བསྐྱེད་བཅུག་འོང།
རིམ་ལུགས་འདི་ མི་མང་ཞབས་ཏོག་ཡར་རྒྱས་གཏང་ནི་ལུ་དམིགས་ཏེ་ རྫོང་ཁ་གོང་འཕེལ་ལྷན་ཚོགས་ཡིག་ཚང་གིས་འབྲུག་གི་བློན་ཆེན་ཡིག་ཚང་འོག་གི་གཞུང་ལས་མི་སེར་ཞབས་ཏོག་ཡིག་ཚང་དང་མཉམ་འབྲེལ་ཐོག་ལས་བཟོ་བཟོཝ་ཨིན།
