རྫོང་ཁ་གོང་འཕེལ་ལྷན་ཚོགས་ཀྱིས་ སྤྱི་ཚེས་ ༧-༨/༩/༢༠༡༧ ཚུན་ ཉིན་གཉིས་ཀྱི་རིང་ལུ་ རྒྱལ་ཡོངས་ཨམ་སྲུ་དང་ཨ་ལུའི་ལྷན་ཚོགས་ཀྱི་ལས་བྱེདཔ་ཚུ་ལུ་ རྫོང་ཁའི་ལྕོགས་གྲུབ་རྒྱ་སྐྱེད་ཀྱི་ སྦྱོང་བརྡར་བྱིན་ཡོདཔ་ཨིན། སྦྱོང་བརྡར་འདི་ཡང་ ཡིག་ཚང་གཉིས་ཁ་སླབ་སྟེ་བཟོ་ཡོདཔ་དང་ དེ་ཡང་གཙོ་བོ་ར་ རྫོང་ཁའི་བརྡ་དོན་སྤྲོད་ལེན་དང་ ཡིག་འགྲུལ་གཏོང་ལེན་ནང་ལྕོགས་གྲུབ་རྒྱ་སྐྱེད་གཏང་ནི་ལུ་དམིགས་ཏེ་བཟོ་ཡོད། སྦྱོང་བརྡར་གྱི་སྐབས་ལུ་ རྫོང་ཁའི་བརྡ་སྦྱོར། རྫོང་ཁའི་ཡིག་བསྐུར་རྣམ་གཞག གཞི་རྟེན་སྐད་སྒྱུར། དེ་ལས་ རྫོང་ཁའི་བརྡ་དོན་འཕྲུལ་རིག་དང་ལག་ལེན་རིམ་ལུགས་ཚུ་ སློབ་སྟོན་འབད་ཡོདཔ་ཨིན།