རྒྱལ་སྤྱིའི་དགའ་སྐྱིད་ཉིནམ་བརྩི་སྲུང་ཞུཝ་དང་འབྲེལ་ སྤྱི་ཚེས་ ༢༠/༠༣/༢༠༡༧ ལུ་ རྫོང་ཁ་གོང་འཕེལ་ལྷན་ཚོགས་ཀྱིས་ རྫོང་ཁའི་སྒྲོན་མེ་ཟེར་བའི་དུས་དེབ་ཅིག་གསར་སྟོན་འབད་ཡོད། ལོ་ཕྱེད་དུས་དེབ་འདི་ནང་ རྫོང་ཁ་གོང་འཕེལ་ལྷན་ཚོགས་དང་ ལྷན་ཁག་དང་རྫོང་ཁག་ དེ་ལས་ ལས་སྡེ་སོ་སོའི་རྫོང་ཁ་ངོ་ཚབ་འགོ་དཔོན་ཚུ་གི་གནས་ཚུལ་དང་ལས་རིམ་ཚུ་ཚུད་དེ་ཡོདཔ་ཨིན། དུས་དེབ་འདི་གིས་ རྫོང་ཁའི་མཐུན་རྐྱེན་བཟོ་ཡོད་མི་དང་ཞབས་ཏོག་ཚུའི་སྐོར་ལས་ མི་དམངས་ལུ་ གོ་བརྡ་སྤེལ་ཚུགས་པའི་རེ་བ་ཡོད། དེ་ལས་བརྟེན་ ཐུགས་སྤྲོ་བའི་སྒོ་ལས་གཟིགས་གནང་ཟེར་ཞུ་ནི་ཨིན།