རྫོང་ཁ་གོང་འཕེལ་ལྷན་ཚོགས་ཀྱིས་ སྤྱི་ཚོས་ ༢༧/༠༢/༢༠༡༨ ལས་ ༠༡/༠༣/༢༠༡༨ ཚུན་ ཉིན་གྲངས་གསུམ་གྱི་རིང་ལུ་ རྫོང་ཁ་ལག་ལེན་གྱི་གདོང་ལེན་དང་ཐབས་ལམ་ཟེར་བའི་བརྗོད་དོན་ཐོག་ལུ་ གྲོས་ཚོགས་ཅིག་འཚོགས་ཡོདཔ་ཨིན། གྲོས་ཚོགས་འདི་ནང་རྫོང་ཁ་མཁས་མཆོག་ཚུའི་གུ་ ལྷན་ཁག་དང་ལས་ཁུངས་ གཙུག་སྡེ་ བརྡ་བརྒྱུད་ཚུ་ནང་ལཱ་འབད་མི་ཚུ་གིས་ཡང་བཅའ་མར་གཏོགས་ཡོདཔ་ཨིན། གྲོས་ཚོགས་ཀྱི་སྐབས་ལུ་ རྫོང་ཁ་གོང་འཕེལ་དང་དར་ཁྱབ་གཏང་ནི་ནང་དཀའ་ངལ་ག་དེ་སྦེ་རང་བྱུང་དོ་ཡོདཔ་ཨིན་ན་དང་ གདོང་ལེན་འབད་ནིའི་དོན་ལུ་ཐབས་ལམ་ཚུ་ བཏོན་ཡོདཔ་ཨིན། གྲོས་ཚོགས་འདི་ འབྲུག་གི་མི་རྗེ་བློན་ཆེན་དྲག་ཤོས་ཚེ་རིང་སྟོབས་རྒྱས་མཆོག་གིས་ འགོ་འབྱེད་མཛད་གནང་ཡོདཔ་ཨིན།