སྐད་གཉིས་ཟུང་འབྲེལ་སྦེ་ཡོད་པའི་གཞུང་གི་ཡོངས་འབྲེལ་འཆར་སྒོའི་འཛིན་སྐྱོང་པ་ཚུ་ལུ་ལག་ཁྱེར་གནང་ཡོདཔ།
02 / ༠༧ / 2018 བཙུགས་མི། Tenzin Namgyel
སྤྱི་ཚེས་ ༢༩/༠༦/༢༠༡༨ ལུ་ རྫོང་ཁ་གོང་འཕེལ་ལྷན་ཚོགས་ཀྱིས་ རྫོང་ཁ་ཨིང་སྐད་ཟུང་འབྲེལ་གྱི་མཐུན་རྐྱེན་ཡོད་མིའི་གཞུང་གི་ལས་སྡེ་ ༡༦ གི་ཡོངས་འབྲེལ་འཆར་སྒོའི་ ཡོངས་འབྲེལ་འཛིན་སྐྱོང་པ་ཚུ་ལུ་ ངལ་རངས་ཀྱི་ལག་ཁྱེར་རེ་གནང་ཡོདཔ་ཨིན། ཡོངས་འབྲེལ་འཆར་སྒོ་སྐད་གཉིས་ཟུང་འབྲེལ་སྦེ་ཡོད་མི་འདི་གིས་ འབྲུག་གི་རྒྱལ་ཡོངས་སྐད་ཡིག་རྫོང་ཁ་དར་ཁྱབ་གཏང་ནི་ལུ་ཕན་ཐོག་ནི་ཨིན་པ་གིས་མ་ཚད་ ཁ་སྐད་ཀྱི་གདམ་ཁ་བྱིན་མི་འདི་གིས་ མི་དམངས་ལུ་ཞབས་ཏོག་ཡར་དྲག་གཏང་ནི་ལུ་ཡང་ ཕན་ཐོག་སྦོམ་ཡོདཔ་ཨིན། བརྡ་དོན་བརྒྱུད་འབྲེལ་དང་བརྒྱུད་འཕྲིན་ལས་ཁུངས་ཀྱིས་རྒྱལ་ཡོངས་ཀྱི་ཡོངས་འབྲེལ་འཆར་སྒོའི་འགྲན་བསྡུར་ འགོ་འདྲེན་འཐབ་ཡོད་མི་དང་འཁྲིལཝ་ད་ གཞུང་གི་ལས་སྡེ་ ༡༦ གི་ཡོངས་འབྲེལ་འཆར་སྒོ་ཚུ་ སྐད་གཉིས་ཟུང་འབྲེལ་གྱི་མཐུན་རྐྱེན་ཡོད་པའི་ནང་ལས་ ལས་སྡེ་ ༡༢ ཀྱི་ཡོངས་འབྲེལ་འཆར་སྒོའི་ནང་ རྫོང་ཁའི་དོན་ཚན་ཁྱབ་ཆེཝ་སྦེ་གཙུགས་ཡོདཔ་ཨིན་མས། སྐད་གཉིས་ཟུང་འབྲེལ་གྱི་མཐུན་རྐྱེན་ཡོད་མིའི་ཡོངས་འབྲེལ་འཆར་སྒོ་ཚུ་ཡང།
- རྫོང་ཁ་གོང་འཕེལ་ལྷན་ཚོགས། (www.dzongkha.gov.bt)
- འབྲུག་གི་རྒྱལ་ཡོངས་ཚོགས་སྡེ །(www.nationalcouncil.bt)
- འབྲུག་གི་རྒྱལ་ཡོངས་ཚོགས་འདུ །(www.nab.gov.bt)
- རྒྱལ་གཞུང་ཞི་གཡོག་ལྷན་ཚོགས། (www.rcsc.gov.bt)
- གཞུང་ གྲྭ་ཚང།(www.zhungdratshang.org)
- འབྲུག་གི་བཙག་འཐུ་ལྷན་ཚོགས (www.ecb.bt)
- རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས (www.gnhc.gov.bt)
- འབྲུག་གི་ཆོས་སྡེ་ལྷན་ཚོགས (www.cro.gov.bt)
- བརྡ་དོན་འཕྲུལ་རིག་དང་བརྒྱུད་འཕྲིན་ལས་ཁུངས་ (www.dit.gov.bt)
- བརྡ་དོན་དང་བརྒྱུད་འབྲེལ་ལྷན་ཁག (www.moic.gov.bt)
- བསྟན་རྒྱས་ལྷན་ཁག (www.moea.gov.bt)
- དངུལ་རྩིས་ལྷན་ཁག (www.mof.gov.bt)
- རྒྱལ་ཡོངས་ཨམ་སྲུ་དང་ཨ་ལུའི་ལྷན་ཚོགས (www.ncwc.gov.bt)
- འབྲུག་གི་གནས་ཚད་ལས་ཁང (www.bsb.gov.bt)
- རྩོད་དཔོན་ཡོངས་ཁྱབ་ཡིག་ཚང (www.oag.gov.bt)
- སོ་ནམ་ཞིབ་འཚོལ་དང་གོང་འཕེལ་ལྟེ་བ། (www.rdcyusipang.gov.bt)
གནས་ཚུལ་གྱི་གཏན་མཛོད།