ད་རེས་ སྤྱི་ཚེས་ ༡༡/༡༢/༢༠༡༩ ལུ་ རྫོང་ཁ་གོང་འཕེལ་ལྷན་ཚོགས་ཡིག་ཚང་ནང་ འབྲུག་གི་རྩ་བ་གསུམ་ལུ་ལྷག་བསམ་རྣམ་དག་གི་སྒོ་ལས་ ཕྱག་ཞུ་ཡོད་མི་ཞི་གཡོགཔ་ཚུ་ལུ་གཟེངས་བསྟོད་ཀྱི་རྟགས་མ་གནང་ནིའི་ལས་རིམ་ཅིག་འགོ་འདྲེན་འཐབ་ཅི།
དུས་ཅི་ རྫོང་ཁ་གོང་འཕེལ་ལྷན་ཚོགས་ཡིག་ཚང་ནང་ལས་འགོ་དཔོན་དང་ལས་བྱེདཔ་ ༤ གིས་ ཞི་གཡོག་གཟེངས་བསྟོད་རྟགས་མ་ཐོབ་ཡོདཔ་ཨིན། དེ་ཚུ་གིས་གྲས་ལས་ ལོ་ངོ་ ༣༠ ལྷག་སྟེ་གཞུང་ལུ་ཕྱག་ཞུ་མི་ སྐད་ཡིག་གོང་འཕེལ་གཙོ་འཛིན་ཨྱོན་རྡོེ་ལུ་གསེར་གྱི་རྟགས་མ་དང་། ལོ་ངོ་ ༢༠ ལྷག་སྟེ་ཕྱག་ཞུ་མི་ སྐད་ཡིག་གོང་འཕེལ་གཙོ་འཛིན་འོགམ་དབང་ཕྱུག་རིག་འཛིན་ལུ་དངུལ་གྱི་རྟགས་མ་གནང་ཡོདཔ་ཨིན། འདི་བཟུམ་སྦེ་ ལོ་ངོ་ ༡༠ ལྷག་སྟེ་ཕྱག་ཞུ་མི་ བརྡ་དོན་འཕྲུལ་རིག་འགོ་དཔོན་གོངམ་ རིག་འཛིན་དཔལ་སྒྲོན་དང་ ཞིབ་འཚོལ་འགོ་དཔོན་གོངམ་ སྐྱིད་པ་ལྷ་སྒྲོན་གཉིས་ལུ་ཟངས་ཀྱི་རྟགས་མ་གནང་ཡི།
འདི་དང་གཅིག་ཁར་ ལཱ་ཤུལ་གྲུབ་འབྲས་དང་འཁྲིལ་ཏེ་ངོས་འཛིན་འབད་ཡོད་པའི་ རྩིས་ལོ་ ༢༠༡༨-༡༩ གི་ ལས་བྱེདཔ་ཁྱད་འཕགས་ཅན་ སྐད་ཡིག་གོང་འཕེལ་འགོ་དཔོན་ ཡུམ་སྐྱིད་ལྷ་མོ་ལུ་ རྫོང་ཁ་གོང་འཕེལ་ལྷན་ཚོགས་ཀྱི་ཁ་ཐུག་ལས་ གཟེངས་བསྟོད་ཀྱི་ལག་ཁྱེར་ཅིག་ཡང་གནང་ཡོདཔ་ཨིན།
ག་ནི་བ་ཁྱད་དུ་འཕགས་པའི་རྒྱལ་ཡོངས་དུས་ཆེན་གྱི་ཉིནམ་བརྩི་སྲུང་དང་འབྲེལ་ གཟེངས་བསྟོད་ཀྱི་རྟགས་མ་དང་ལག་ཁྱེར་ཐོབ་མི་ཚུ་ལུ་ ཡིག་ཚང་གི་བཟའ་ཚང་ཧོངས་ལས་ ངལ་རངས་དང་བཅས་པའི་བཀྲིས་བདེ་ལེགས་ཕུལཝ་ཨིན།