ནང་སྲིད་ལྷན་ཁག་འོག་གི་ སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་ སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱིས་ འོས་འབབ་ཅན་གྱི་ཚོང་སྡེ་ཚུ་གིས་ རྫོང་ཁ་ཚིག་ཡིག་ལས་ངག་ཐོག་གུར་སྒྲ་གཟུང་དང་ ཞུན་དག་ཞབས་ཏོག་གི་དོན་ལུ་ སྟབས་སྤྲོད་རིན་བསྡུར་ཐིའུ་ཅནམ་དང་སྦྲགས་ དང་འདོད་གསལ་སྟོན་གྱི་ཡི་གུ་བཙུགས་གནང་ཟེར་ཞུ་བ་ཕུལཝ་ཨིན།
དུས་ཚོད། སྤྱི་ལོ་ ༢༠༢༦ ཟླ་ ༡ པའི་ཚེས་ ༢༩ ཕྱི་རུ་ཆུ་ཚོད་ ༥།
རིན་བསྡུར་ཐིའུ་ཅནམ་ནང་དགོ་པའི་ཡིག་ཆ་ཚུ་ཡང་།
• དང་འདོད་གསལ་སྟོན་ཡི་གུ།
• ཆ་གནས་ཡོད་པའི་ཚོང་འབྲེལ་ཆོག་ཐམ་གྱི་འདྲ།
• སྟབས་སྤྲོད་རིན་བསྡུར་གོང་ཚད།
སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱིས་་བཏང་ཡོད་པའི་ཡི་གུ་དང་ ཚད་ལྡན་ལག་ལེན་བྱ་རིམ་ཁ་གསལ་ཚུ་ཁུངས་གཏུགས་ཀྱི་དོན་ལུ་ཟུར་སྦྲགས་སྦེ་ཕུལ་ཡོད། རིན་བསྡུར་ཐིའུ་ཅནམ་ཚུ་ངོས་འཛིན་ཅན་གྱི་འགོ་པོན་ལུ་ དུས་ཚོད་ཁར་བཙུགས་དགོཔ་དང་ ལས་ཁུངས་རིན་བསྡུར་ཚོགས་ཆུང་གིས་དབྱེ་ཞིབ་དང་ཆ་འཇོག་འབད་བའི་ཤུལ་ལས་ གདམ་འཐུ་གྲུབ་པའི་ཚོང་སྡེ་ལུ་ བརྡ་སྤྲོད་འབད་འོང་ཟེར་ཞུ་ནི་ཨིན།
འབྲེལ་བ་འཐབ་ས།
སྐལ་བཟང་ཤེས་རབ།
+ ༩༧༥ ༡༧༥༠༦༩༤༩
ksherab@moha.gov.bt